вторник, 6 сентября 2016 г.

Косця Баяндзін марыць адправіцца ў Арктыку. І гэта не жарт:)

На мінулых выхадных самыя актыўныя і смелыя гараджанне паспрабавалі сябе ў Мінскім паўмарафоне. Знакамітая і даволі маладая для Беларусі падзея ўжо чацвёрты год дае магчымасць людзям з розных куткоў нашай краіны кінуць выклік самому сабе. Грандыёзны старт Паўмарафону натхніў мяне даць старт праграме “Крэатыўны ўзрост” менавіта з гэтай тэмы. Таму першым госцем стане чалавек, для якога пераадоленне перашкод гэта частка жыцця і магчымасць рэалізаваць сябе. 



Знаёмцеся, Косця Баяндзін. І я:)


18-гадовы студэнт БДУ, які даўно з бегам на “ты”. Яго ніколі не спыняюць дрэннае надвор’е, стомленасць і нават траўмы. 



Усе падрабязнасці можна пачуць у эфіры (паўтор праграммы адбудзецца ў нядзелю ў 21.30). 

І напрыканцы трымайце 5 правіл марафонца ад Косці:

  1. Не ленавацца
  2. Не спыняцца на дасягнутым
  3. Трымаць сябе ў добрай фізічнай форме
  4. Даваць сабе стымул
  5. Кожны раз абганяць свайго сябра Вову:)

А я нагадваю, што калі сярод вас ёсць цікавыя людзі, ці мабыць вы самі неверагодны чалавек, то я вельмі жадаю з вамі пазнаёміцца. Пакідайце свае кантакты і невялікае апісанне на пошту creativeage@tut.by. Я абавязкова напішу вам.

Першы пост:)

Вітаю вас на блог-старонцы праграмы "Крэатыўны ўзрост". Прыйшла восень, а разам з ёй і новы вяшчальны сезон на канале "Культура". Кожны аўторак у 17.30 на хвалі 102.9 я, Юля Ішмуратава, буду знаёміць вас Кожны аўторак на хвалі канала "Культура" я буду знаёміць вас з асаблівымі людзьмі. Гэта сучасная беларуская моладзь. Але нягледзячы на свой узрост, героі праграмы могуць многім пахваліцца, многаму навучыць і, што самае галоўнае, стаць шыкоўным прыкладам, нават для старэйшых. Галоўная тэма нашых сустрэч – самарэалізацыя. Таму, паважаныя слухачы, будзьце уважлівыя, бо хто ведае, мабыць чарговы герой праграмы стане для вас тым самым магічным штуршком, а яго прыклад натхніць на змены ў сваім жыцці. Бо ніколі не позна зрабіць свой узрост крэатыўным.

Калі гэта радыёпраграмма, то навошта ёй блог? Усё проста! Такім чынам я буду яшчэ бліжэй знаёміць вас з героямі "Крэатыўнага ўзросту", показваць вам іх фотаздымкі і мець з вамі, слухачамі і проста неабыякавымі людзьмі, зваротную сувязь.

І самае галоўнае! Калі сярод вас ёсць цікавыя людзі, ці мабыць вы самі неверагодны чалавек, то я вельмі жадаю з вамі пазнаёміцца. Пакідайце свае кантакты і невялікае апісанне на пошту creativeage@tut.by. Я абавязкова напішу вам.